புதிய பல்நோக்கு கட்டிட அடிக்கல் நாட்டு விழா

இட்டமொழி:

இட்டமொழி அருகே உள்ள சங்கனாங்குளத்தில் ரூ.9 லட்சம் மதிப்பில் சட்டமன்ற உறுப்பினர் தொகுதி வளர்ச்சி நிதியிலிருந்து புதிய பல்நோக்கு கட்டிடம் கட்ட அடிக்கல் நாட்டு விழா நடைபெற்றது. ரூபி மனோகரன் எம்.எல்.ஏ. சிறப்பு அழைப்பாளராக கலந்து கொண்டு அடிக்கல் நாட்டினார். நிகழ்ச்சியில் சங்கனாங்குளம் பஞ்சாயத்து தலைவர் எஸ்.சின்னதம்பி, வட்டார காங்கிரஸ் தலைவர் ராமஜெயம், மாவட்ட காங்கிரஸ் பொதுச்செயலாளர் நம்பித்துரை, வார்டு கவுன்சிலர் சந்திரா சிதம்பரம் உட்பட பலர் கலந்து கொண்டனர். முடிவில் ஊராட்சி செயலர் நம்பி நன்றி கூறினார்.