கிராமசபை கூட்டம்

வாசுதேவநல்லூர்:

வாசுதேவநல்லூர் அருகே உள்ள சுப்பிரமணியபுரம் ஊராட்சியில் கிராம சபை கூட்டம் நடந்தது. கூட்டத்திற்கு ஊராட்சி மன்ற தலைவர் வக்கீல் கே.ராம்குமார் தலைமை தாங்கினார். ஊராட்சி மன்ற துணைத்தலைவர் ராமலட்சுமி, ஊராட்சி செயலர் சண்முகையா ஆகியோர் முன்னிலை வகித்தனர். சிறப்பு விருந்தினராக வாசுதேவநல்லூர் சட்டமன்ற உறுப்பினர் டாக்டர் டி.சதன் திருமலைகுமார் கலந்து கொண்டு சிறப்புரை ஆற்றினார். ஊராட்சி வார்டு உறுப்பினர்கள், பள்ளி தலைமை ஆசிரியர் ரசிகா, சுப்பிரமணியபுரம் கிராம நிர்வாக அலுவலர் புதிய ராணி மற்றும் பலர் கலந்து கொண்டனர். கூட்டத்தில் சுப்பிரமணியபுரம் ஊராட்சி கிராமங்களில் நடைபெறும் வளர்ச்சிப் பணிகள், மழைநீர் சேகரிப்பு, வடகிழக்கு பருவமழை பாதுகாப்பு நடவடிக்கைகள், டெங்கு காய்ச்சல் தடுப்பு விழிப்புணர்வு குறித்து தீர்மானம் நிறைவேற்றப்பட்டது.