புதிய வழித்தடத்தில் அரசு பஸ் போக்குவரத்து

சுரண்டை:

சுரண்டை அருகே அச்சங்குன்றம் கிராமத்திலிருந்து சுரண்டையில் உள்ள பள்ளிகள் மற்றும் கல்லூரியில் நூற்றுக்கணக்கான மாணவர்கள் படித்து வருகின்றனர். காலை மற்றும் மாலை நேரங்களில் பள்ளி, கல்லூரிக்கு சென்றுவர போதிய பஸ் வசதி இல்லாமல் இருந்தது. இதையடுத்து அப்பகுதி பள்ளி, கல்லூரி மாணவ-மாணவிகள் பஸ் வசதி செய்து தர வேண்டும் என பழனி நாடார் எம்.எல்.ஏ.விடம் கோரிக்கை விடுத்தனர்.

இதையடுத்து அச்சங்குன்றத்தில் இருந்து சுரண்டை வழியாக தென்காசிக்கு பள்ளி மற்றும் கல்லூரி மாணவர்கள் பயன்பெறும் வகையில் புதிய வழித்தடத்தில் பஸ் இயக்கப்பட்டது. புதிய பஸ் வழித்தடத்தை பழனிநாடார் எம்.எல்.ஏ., தெற்கு மாவட்ட தி.மு.க. பொறுப்பாளர் வே.ஜெயபாலன் ஆகியோர் கொடி அசைத்து தொடங்கி வைத்தனர்.

நிகழ்ச்சியில் ஆலங்குளம் வடக்கு ஒன்றிய செயலாளர் அன்பழகன், தென்காசி யூனியன் துணைத் தலைவர் கனகராஜ் முத்து பாண்டியன், அச்சங்குன்றம் கிராம பஞ்சாயத்து தலைவர் முருகேசன் உள்பட பலர் கலந்து கொண்டனர்.