ஓடும் பஸ்சில் பெண்களிடம் தங்க சங்கிலி பறிப்பு

நெல்லையில் ஓடும் பஸ்களில் பெண்களிடம் தங்க சங்கிலி பறித்த மர்மநபர் குறித்து போலீசார் விசாரணை நடத்தி வருகின்றனர்.

தங்க சங்கிலி

நெல்லை சி.என்.கிராமத்தை சேர்ந்தவர் இசக்கிபாண்டி. இவரது மனைவி பார்வதி (வயது 67). இவர் நேற்று காலையில் நெல்லை சந்திப்பில் இருந்து பாளையங்கோட்டைக்கு டவுன் பஸ்சில் ஏறி வந்தார்.

அவர் பாளையங்கோட்டை மார்க்கெட் பகுதிக்கு சென்ற போது அவர் கழுத்தில் கிடந்த 1½ பவுன் தங்க சங்கிலி மாயமானது தெரியவந்தது.

அதேபோல் நெல்லை அருகே மேலத்தோணித்துறையை சேர்ந்த சுடலையாண்டி மனைவி அன்னக்கிளி (69). இவர் பஸ்சில் பாளையங்கோட்டை மார்க்கெட் பகுதிக்கு வந்தார். அப்போது அவர் கழுத்தில் கிடந்த 2 பவுன் தங்க சங்கிலி மாயமானது தெரியவந்தது.

போலீசார் விசாரணை

கூட்ட நெரிசலை பயன்படுத்தி ஓடும் பஸ்சில் பெண்களிடம் மர்மநபர்கள் தங்க சங்கிலிகளை பறித்து சென்று இருக்கலாம் என்று போலீசார் தெரிவித்தனர். இந்த சம்பவம் குறித்து பாளையங்கோட்டை குற்றப்பிரிவு போலீஸ் இன்ஸ்பெக்டர் டேவிட் ரவிராஜன், சப்- இன்ஸ்பெக்டர் துரைராஜ் ஆகியோர் விசாரணை நடத்தி வருகின்றனர்.