சிறப்பு அலங்காரத்தில் திரவுபதி அம்மன்

சிவகிரி:

சிவகிரியில் திரவுபதி அம்மன் கோவில் பூக்குழி திருவிழா கடந்த 27-ந் தேதி கொடியேற்றத்துடன் தொடங்கியது. இதனை தொடர்ந்து ஒவ்வொரு திருநாளும் ஒவ்வொரு சமூகத்தினரால் நடத்தப்பட்டு வருகிறது. விழா நாட்களில் தினமும் இரவு 10 மணிக்கு மேல் திரவுபதி அம்மன், அர்ச்சுனன், கிருஷ்ணன், ஆகிய சுவாமிகள் அலங்கரிக்கப்பட்டு வீதி உலா காட்சி நடைபெற்று வருகிறது.

சிகர நிகழ்ச்சியான பூக்குழி திருவிழா நாளை (ஞாயிற்றுக்கிழமை) மாலையில் நடைபெறுகிறது. 7-ந்திருநாளான நேற்று மகாபாரதம் கதையில் வருவது போல அரவான் களப்பொலி காட்சி நடைபெற்றது. இதில் சிறப்பு அலங்காரத்தில் திரவுபதி அம்மன் பக்தர்களுக்கு காட்சி கொடுத்தார். முன்னதாக கோவிலில் உள்ள அனைத்து சுவாமிகளுக்கும் சிறப்பு பூஜைகள் நடத்தப்பட்டன.