குரூப்-2 முதன்மை தேர்வுகளுக்கு இலவச பயிற்சி வகுப்பு

தமிழ்நாடு அரசுப்பணியாளர் தேர்வாணையத்தால் அறிவிக்கப்பட்டுள்ள குரூப்-2 பணி காலியிடங்களுக்கான முதன்மை தேர்வுகளுக்கு இலவச பயிற்சி வகுப்புகள் மற்றும் மாதிரி தேர்வுகள் இன்று (புதன்கிழமை) முதல் அரியலூர் மாவட்ட வேலை வாய்ப்பு மற்றும் தொழில்நெறி வழிகாட்டல் மையத்தில் நடைபெற உள்ளது. இப்பயிற்சி வகுப்பில் கலந்து கொள்ள விருப்பமுள்ள குரூப்-2 முதல் நிலை தேர்வில் தேர்ச்சி பெற்ற மாணவ-மாணவிகள் பாஸ்போர்ட் அளவுள்ள புகைப்படம், ஆதார் அட்டை நகல், முதல் நிலை தேர்விற்கான நுழைவுச்சீட்டு மற்றும் சுயவிவர குறிப்புகளுடன் அரியலூர் மாவட்ட வேலை வாய்ப்பு மற்றும் தொழில்நெறி வழிகாட்டல் மையத்தினை நேரில் தொடர்பு கொள்ளலாம் என்று மாவட்ட நிர்வாகம் தரப்பில் தெரிவிக்கப்பட்டுள்ளது.