பாலமேடு மஞ்சள் மலை ஆற்றில் திடீர் வெள்ளப்பெருக்கு

அலங்காநல்லூர்,

தென் மேற்கு பருவ மழை கடந்த சில நாட்களாக பெய்து வருகிறது. நேற்று மாலையில் அலங்காநல்லூர், அழகர் கோவில், காஞ்சரம் பேட்டை, மற்றும் பாலமேடு உள்ளிட்ட பல்வேறு பகுதிகளில் சுமார் 2 மணி நேரத்திற்கு மேல் பலத்த இடியுடன் கூடிய மழை பெய்தது. இந்தநிலையில் பாலமேடு அருகே 5 கி.மீ. தொலைவில் உள்ள மஞ்சமலையில் இருந்து திடீரென காட்டாற்றில் வெள்ளப்பெருக்கு ஏற்பட்டு பாலமேடு வழியாக வெள்ளநீர் ஓடியது. இந்த மழை வெள்ளப்பெருக்கு பல வருடங்களுக்கு பிறகு ஏற்பட்டு உள்ளது என்று பாலமேடு விவசாயிகள் தெரிவித்தனர்.