சில ஆசிரியைகளால் மாணவிகள் பலிகடா ஆக்கப்படுகிறார்கள்...! நடிகை அபிராமி பரபரப்பு பேட்டி

சென்னை திருவான்மியூரில் உள்ள கலாஷேத்ரா கல்லூரியில் உள்ள பேராசிரியர் மீது பாலியல் புகார் எழுந்துள்ளது. பாலியல் குற்றச்சாட்டுகளுக்கு ஆளான பேராசிரியர் உள்ளிட்ட 4 பேர் மீது நடவடிக்கை எடுக்க வலியுறுத்தி மாணவிகள் உள்ளிருப்பு போராட்டத்தில் ஈடுபட்டனர்.

மாணவிகள் அளித்த பாலியல் புகாரில் கலாஷேத்ரா கல்லூரி பேராசிரியர் ஹரிபத்மன் மீது மகளிர் வன்கொடுமை தடுப்புச் சட்டம் உள்ளிட்ட மூன்று பிரிவுகளில் ஹரிபத்மன் மீது வழக்குப்பதிவு செய்யப்பட்டது. அதனை தொடர்ந்து வழக்கில் தேடப்பட்டு வந்த ஹரிபத்மனை ஐதராபாத்தில் வைத்து போலீசார் கைது செய்தனர்.

கைது செய்யப்பட்டதை தொடர்ந்து உதவி பேராசிரியர் ஹரிபத்மனை ஏப்ரல் 13-ம் தேதி வரை நீதிமன்றக் காவலில் வைக்க உத்தரவிட்டார். நீதிமன்ற உத்தரவை அடுத்து அவரை புழல் சிறையில் காவல்துறையினர் அடைத்தனர்.

இந்த நிலையில் கடந்த சில தினங்களுக்கு முன்னர் நிகழ்ச்சி ஒன்றில் கலந்துகொண்ட பிக்பாஸ் அபிராமி, இந்த கலாஷேத்ரா விவகாரம் குறித்தும் பேசினார். ஏனெனில் அவர் அந்த கல்லூரியில் பயின்ற முன்னாள் மாணவி ஆவார். அவர் ஒரு தரப்பில் இருக்கும் குற்றச்சாட்டை மட்டும் வைத்து பேசக்கூடாது. இதன் மறுபக்கத்தையும் தெரிந்துகொள்ள வேண்டும்.

நான் இந்த கல்லூரியில் பயின்ற போதெல்லாம் இதுபோன்ற எந்தவித சம்பவமும் நடந்ததில்லை. கலாஷேத்ரா என்கிற பெயரை ஒழுங்காக கூட சொல்லத் தெரியாதவர்கள் எல்லாம் இந்த கல்லூரியை பற்றி குறை சொல்வதை பார்க்கும் போது மனதிற்கு ரொம்ப கஷ்டமாக இருக்கிறது. எந்த ஒரு பாலியல் தொல்லை நடந்தாலும் அதைப்பற்றி அப்போதே பேச வேண்டும். இதேபோல் ஒருவர் ஏற்கனவே செய்திருக்கிறார் என கூறியிருந்தார்.

பாலியல் புகாரில் கைது செய்யப்பட்டுள்ள கலாஷேத்ரா உதவி பேராசிரியர் ஹரி பத்மனின் மனைவி சென்னை போலீஸ் கமிஷனர் அலுவலகத்தில் புகார் ஒன்று அளித்துள்ளார்.

கலாசேத்ரா மையத்தில் பணியாற்றும் இரண்டு பேராசிரியர்களின் தூண்டுதலின் பேரில் முன்னாள் மாணவி போலி புகார் அளித்ததில் ஹரிபத்மன் கைது செய்யப்பட்டு இருப்பதாக புகாரில் குறிப்பிட்டுள்ளார்.

இவ்வாறு ஹரி பத்மன் மீது புகார் அளித்த முன்னாள் மாணவி மற்றும் கலாசேத்ராவில் பணியாற்றும் இரண்டு பேராசிரியர்கள் மீது நடவடிக்கை எடுக்க வேண்டும் எனவும் கோரிக்கை வைத்துள்ளார்.

மூத்த பெண் போலீஸ் அதிகாரிகளை கொண்டு உரிய முறையில் தனது புகாரின் அடிப்படையில் விசாரணை நடத்த வேண்டும் எனவும் தன் கணவருடன் வேலை பார்க்கும் நிர்மலா நாகராஜன், நந்தினி நாகராஜன் ஆகிய இரண்டு பேராசிரியர்கள் தூண்டுதல் பெயரில் மீரா கிருஷ்ணன் என்ற முன்னாள் மாணவி புகார் அளித்துள்ளாகவும் குற்றஞ்சாட்டியுள்ளார்.

மேலும் அவர் நான்கு ஆண்டுகள் கலாஷேத்ராவில் நடனம் கற்றுக் கொண்டதாகவும் அதன் பின்பு கனடா சென்று விட்டதாகவும் கலாசேத்ரா நிறுவனத்திற்கு களங்கம் ஏற்படுத்தும் வகையில் செயல்பட்டதால் அவர் மீது தனது கணவர் கடுமையாக நடந்து கொண்டதை கருத்தில் கொண்டு பழிவாங்கும் நோக்கில் செயல்படுவதாக புகாரில் தெரிவிக்கப்பட்டுள்ளது.