சாலை விபத்தில் விவசாயி பலி

திருவண்ணாமலை அருகே காட்டாம்பூண்டி கிராமம் மாரியம்மன் கோவில் தெருவை சேர்ந்தவர் செல்வராஜ் (வயது 43), விவசாயி. இவரது மனைவி சுகந்தி. இவர்களுக்கு 2 மகள்களும், ஒரு மகனும் உள்ளனர்.

இந்த நிலையில் கடந்த 28-ந் தேதி செல்வராஜ் மோட்டார்சைக்கிளில் எடப்பாளையம் பைபாஸ் சாலையில் சென்று கொண்டிருந்தார். அப்போது அவர் திடீரென நிலை தடுமாறி கீழே விழுந்து படுகாயம் அடைந்தார்.

அக்கம்பக்கத்தில் இருந்தவர்கள் அவரை மீட்டு திருவண்ணாமலை அரசு மருத்துவமனைக்கு சிகிச்சைக்காக கொண்டு சென்றனர். பின்னர் மேல்சிகிச்சைக்காக சென்னைக்கு அழைத்துச் சென்றனர்.

அவருக்கு உடல்நிலை சரியில்லாமல் போனதால் உடனடியாக திண்டிவனத்தில் உள்ள அரசு மருத்துவமனையில் அனுமதிக்கப்பட்டார். அங்கு சிகிச்சை பலனின்றி அவர் உயிரிழந்தார்.

இதுகுறித்து திருவண்ணாமலை தாலுகா போலீஸ் நிலையத்தில் புகார் செய்யப்பட்டது.

அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.