கண் பரிசோதனை முகாம்

வாசுதேவநல்லூர்:

ராயகிரி நாடார் உறவின்முறை காமராஜர் நர்சரி தொடக்க பள்ளியில் ராயகிரி தமிழ்நாடு மெர்க்கன்டைல் வங்கி பவுண்டேஷன் மற்றும் நெல்லை அரவிந்த் கண் மருத்துவமனை சார்பில் இலவச கண் பரிசோதனை முகாம் நடந்தது. முகாமிற்கு தமிழ்நாடு மெர்க்கன்டைல் வங்கி ராயகிரி கிளை மேலாளர் சுரேஷ் குமார் தலைமை தாங்கினார். நாடார் உறவின் முறை பள்ளி கமிட்டி தலைவர் அம்மையப்பன் முன்னிலை வகித்தார்.

சிறப்பு அழைப்பாளராக பவுண்டேஷன் நிர்வாக அதிகாரி சவுந்தர பாண்டியன் கலந்துகொண்டு முகாமை தொடங்கி வைத்தார். இதில் 100-க்கும் மேற்பட்ட ஆண்களும், பெண்களும் கலந்துகொண்டு கண் பரிசோதனை செய்து கொண்டனர். 30 நபர்கள் அறுவை சிகிச்சைக்கு நெல்லை அரவிந்த் கண் மருத்துவமனைக்கு செல்ல தேர்வு செய்ய பட்டனர். கண் பரிசோதனை செய்து கொண்ட நபருக்கு இலவச கண் கண்ணாடி வழங்கப்பட்டது.