தீபாவளி கூட்ட நெரிசலை கருத்தில்கொண்டு இன்றும், நாளையும் கூடுதல் மெட்ரோ ரெயில்கள் இயக்கம்

சென்னை,

தீபாவளி கூட்ட நெரிசலை கருத்தில் கொண்டு இன்று (வெள்ளிக்கிழமை), நாளை (சனிக்கிழமை) ஆகிய 2 நாட்கள் கூடுதல் மெட்ரோ ரெயில்கள் இயக்கப்படுகிறது.

அதாவது, மாலை 5 மணி முதல் இரவு 8 மணி வரை 5 நிமிட இடைவெளியில் இயக்கப்பட்டு வரும் மெட்ரோ ரெயில் சேவை 5 நிமிடத்துக்கும் குறைவான நேரத்தில் இயக்கப்படும். அதேபோன்று, இரவு 10 மணி வரை 5 நிமிட இடைவெளியில் ரெயில் இயக்கப்படுகிறது.

எனவே, பயணிகள் இதன் அடிப்படையில் தங்களது பயண திட்டத்தை ஏற்படுத்திக்கொள்ள கேட்டுக்கொள்ளப்படுகிறார்கள். மேற்கண்ட தகவல் மெட்ரோ ரெயில் நிறுவன அதிகாரி வெளியிட்டுள்ள செய்திக்குறிப்பில் கூறப்பட்டு உள்ளது.