சிவகங்கையில் 16-ந் தேதி வேலைவாய்ப்பு முகாம்

வேலை வாய்ப்பற்ற இளைஞர்களின் வேலைவாய்ப்பு மற்றும் வாழ்வாதாரத்தை மேம்படுத்தும் பொருட்டு மாவட்ட வேலைவாய்ப்பு அலுவலகத்தின் மூலம் ஒவ்வொரு மாதமும் இரண்டாம் மற்றும் நான்காம் வௌ்ளிக்கிழமைகளில் தனியார் துறை வேலைவாய்ப்பு முகாம் நடைபெற்று வருகிறது. அதன்படி 16-ந் தேதி காலை 10 மணியளவில், மாவட்ட வேலைவாய்ப்பு அலுவலக வளாகத்தில், வேலைவாய்ப்பு முகாம் நடைபெற உள்ளது. இம்முகாமில் மாவட்டத்தை சேர்ந்த வேலை தேடுபவர்கள் கலந்து கொண்டு தனியார் நிறுவனங்களில் வேலை வாய்ப்ைப பெறலாம்.

முகாமில் இலவச திறன் பயிற்சிக்கான விண்ணப்ப படிவம், போட்டி தோ்வுகளுக்கான இலவச பயிற்சி வகுப்பில் மாணவர் சோ்க்கை, வேலைவாய்ப்பற்ற இளைஞா்களுக்கான உதவித்தொகை பெறுவதற்கான விண்ணப்ப படிவம் ஆகியவையும் வழங்கப்படும்.

எனவே, விருப்பமுள்ள 10-ம் வகுப்பு முதல் பட்டப்படிப்பு வரை மற்றும் ஐ.டி.ஐ., டிப்ளமோ படித்த இளைஞா்கள் தங்களது கல்விச்சான்று, குடும்ப அட்டை, வேலைவாய்ப்பு அடையாள அட்டை, ஆதார் அட்டையுடன் முகாமில் கலந்து கொண்டு பயன்பெறலாம். இந்த தகவலை கலெக்டர் மதுசூதன்ரெட்டி தெரிவித்துள்ளார்.