மின்னொளி கிரிக்கெட் போட்டி-அப்பாவு தொடங்கி வைத்தார்

முக்கூடல்:

முக்கூடல் தி.மு.க. பேரூர் கழகம் சார்பில் கருணாநிதி பிறந்த நாளை முன்னிட்டு மாநில அளவிலான 3 நாட்கள் மின்னொளி கிரிக்கெட் போட்டி நேற்று முன்தினம் தொடங்கியது. தென்காசி தெற்கு மாவட்ட தி.மு.க. செயலாளர் சிவபத்மநாதன் தலைமை தாங்கினார். பாப்பாக்குடி ஒன்றிய செயலாளர் மாரிவண்ணமுத்து, முக்கூடல் நகர செயலாளர் லட்சுமணன், முக்கூடல் பேரூராட்சி தலைவர் ராதா ஆகியோர் முன்னிலை வகித்தனர். சிறப்பு விருந்தினராக தொழில் அதிபர் வேதமூர்த்தி கலந்து கொண்டார். சபாநாயகர் அப்பாவு கிரிக்கெட் போட்டியை தொடங்கி வைத்து பேசினார்.

கட்சி நிர்வாகிகள், கவுன்சிலர்கள் மற்றும் பொதுமக்கள் என பலர் கலந்துகொண்டனர். போட்டியானது இன்றும் (ஞாயிற்றுக்கிழமை) நடைபெறுகிறது. இதற்கான ஏற்பாடுகளை காமராஜர் கிரிக்கெட் கிளப் சார்பில் பார்த்திபன், சட்டநாதன் மற்றும் உறுப்பினர்கள் செய்துள்ளனர்.