சூறைக்காற்றில் மின்கம்பம், பள்ளிக்கூட சுவர் சேதம்

சுரண்டை:

தென்காசி மாவட்டத்தில் கடந்த பத்து நாட்களாக கோடை வெயில் வாட்டி வதைத்தது. இந்நிலையில் சுரண்டை அருகே வீராணம் பகுதியில் நேற்று மாலை திடீரென வானம் மேகமூட்டத்துடன் காணப்பட்டது. 5 மணி அளவில் திடீரென சூறைக்காற்று வீசியது. இதில் முஸ்லிம் பள்ளி தெருவில் உள்ள 5-க்கும் மேற்பட்ட மின்கம்பங்கள், பள்ளி காம்பவுண்டு சுவர் சேதமடைந்தது. மேலும் அந்தப் பகுதியில் பழமைவாய்ந்த மரங்கள் சாய்ந்தது. வீராணம் அரசு மேல்நிலை பள்ளியில் உள்ள மரங்கள் சாய்ந்தது. மேலும் 5-க்கும் மேற்பட்ட வீடுகளில் உள்ள ஓடுகள் காற்றில் பறந்தது. குளத்து கரையில் உள்ள மருதூர் சாஸ்தா கோவில் கட்டிடம் மற்றும் வயல் பகுதியிலுள்ள மின்கம்பங்கள் சாய்ந்தன. இதனால் வீராணம் கிராமம் முழுவதும் மின்தடை ஏற்பட்டது.

தகவல் அறிந்ததும் சம்பந்தப்பட மின்வாரிய அதிகாரிகள் மற்றும் ஊழியர்கள் விரைந்து வந்தனர். போர்க்கால அடிப்படையில் செயல்பட்டு மின்வினியோகம் செய்தனர்.