த.மு.மு.க. கொடியேற்று விழா

கடையநல்லூர்:

கடையநல்லூரில் த.மு.மு.க. 29-வது ஆண்டு தொடக்க விழாவை முன்னிட்டு நகர் முழுவதும் கட்சி கொடியேற்றல் நிகழ்ச்சி, இலவச கண் சிகிச்சை முகாம், மரக்கன்று நடுதல் உள்ளிட்ட பல்வேறு நிகழ்ச்சிகள் நடைபெற்றது.

இந்த நிகழ்ச்சிக்கு மாவட்ட தலைவர் முகம்மது யாகூப் தலைமை தாங்கினார். நகர நிர்வாகிகள் பிலால், ரகுமத்துல்லா, முகம்மது அலி ஆகியோர் முன்னிலை வகித்தனர். நகர தலைவர் முகம்மது பஸ்லி வரவேற்றார்.

துணைப் பொது செயலாளர் மைதீன் சேட்கான் மணிக்கூண்டு அருகே கொடி ஏற்றி சிறப்புரையாற்றினார். இதில் சுற்றுச்சூழல் அணி மாநில செயலாளர் நயினார் முகம்மது, மாவட்ட செயலாளர் அப்துல் ரகுமான், ம.ம.க. மாவட்ட செயலாளர் சலீம், பொருளாளர் கடையநல்லூர் முகம்மது பாசித் உள்பட பலர் கலந்து கொண்டனர்.