தி.மு.க. உறுப்பினர் சேர்க்கை படிவம் ஒப்படைப்பு

பாவூர்சத்திரம்:

தென்காசி தெற்கு மாவட்டம் கீழப்பாவூர் மேற்கு ஒன்றியத்தில் தி.மு.க. உறுப்பினர் சேர்க்கை மும்முரமாக நடைபெற்று வருகிறது. அதன்படி சேர்க்கப்பட்ட உறுப்பினர் படிவங்களை தென்காசி தெற்கு மாவட்ட செயலாளர் வக்கீல் பொ.சிவபத்மநாதன் முன்னிலையில், தென்காசி சட்டமன்ற தொகுதி பொறுப்பாளரும், தி.மு.க. துணை அமைப்பு செயலாளருமான எஸ்.ஆஸ்டினிடம் ஒன்றிய செயலாளர் க.சீனித்துரை ஒப்படைத்தார். நிகழ்ச்சியில் தி.மு.க. நிர்வாகிகள் பலர் கலந்து கொண்டனர்.