தி.மு.க. உறுப்பினர் சேர்க்கை முகாம்

சங்கரன்கோவில்:

சங்கரன்கோவிலில் தி.மு.க. புதிய உறுப்பினர்கள் சேர்க்கை முகாம் நடந்தது. வடக்கு மாவட்ட செயலாளர் ராஜா எம்.எல்.ஏ. தலைமை தாங்கினார். சங்கரன்கோவில் தொகுதி பொறுப்பாளர் மாநில அயலக அணி இணைச் செயலாளர் புகழ்காந்தி முன்னிலை வகித்தார். இதில் இளைஞர்கள், இளம்பெண்கள் உள்ளிட்ட பலர் ஆர்வத்துடன் தி.மு.க.வில் தங்களை இணைத்துக் கொண்டனர். நிகழ்ச்சியில் மாவட்ட துணைச் செயலாளர் புனிதா, நகராட்சி சேர்மன் உமா மகேஸ்வரி, நகர துணை செயலாளர்கள் கே.எஸ்.எஸ்.மாரியப்பன், முத்துக்குமார், சுப்புத்தாய், இளைஞர் அணி சரவணன் உள்ளிட்ட பலர் கலந்து கொண்டனர்.

வாசுதேவநல்லூர் சட்டமன்ற தொகுதிக்கான தி.மு.க. செயல்வீரர்கள் கூட்டம் சிவகிரியில் நடந்தது. ராஜா எம்.எல்.ஏ. தலைமை தாங்கினார். தலைமை செயற்குழு உறுப்பினர் பரமகுரு, மாவட்ட தலைவர் பத்மநாபன், பொருளாளர் சங்கை சரவணன், துணைச் செயலாளர்கள் மனோகரன், ராஜதுரை ஆகியோர் முன்னிலை வகித்தனர்.

கூட்டத்தில் வாக்குச்சாவடி பணிக்குழு அமைப்பது, கலைஞரின் நூற்றாண்டு விழாவை சிறப்பிக்கும் வகையில் புதிய உறுப்பினர்களை சேர்ப்பது குறித்த தீர்மானங்கள் முன்மொழியப்பட்டன. தீர்மானங்கள் குறித்து வாசுதேவநல்லூர் சட்டமன்ற தொகுதி பொறுப்பாளர், விவசாய அணி இணைச் செயலாளர் நல்ல சேதுபதி கருத்துரை வழங்கினார்.

இந்த கூட்டத்தில் தனுஷ்குமார் எம்.பி., சங்கரன்கோவில் தெற்கு ஒன்றிய செயலாளர் லாலா சங்கர பாண்டியன், வாசுதேவநல்லூர் பஞ்சாயத்து யூனியன் சேர்மனும், வடக்கு ஒன்றிய செயலாளருமான பொன். முத்தையா பாண்டியன், நகர செயலாளர் அந்தோணிச்சாமி, பேரூர் செயலாளர் வாசுதேவநல்லூர் ரூபி பாலசுப்பிரமணியன், புளியங்குடி நகர்மன்ற தலைவர் விஜயா உள்ளிட்டோர் கலந்து கொண்டனர்.