தி.மு.க. உறுப்பினர் சேர்க்கை முகாம்

செங்கோட்டை:

செங்கோட்டை மேலபஜார் வாகைமரத்திடலில் உள்ள காந்திசிலை முன்பு நகர தி.மு.க. சார்பில் புதிய உறுப்பினர் சேர்க்கை முகாம் நடந்தது. முகாமிற்கு நகர செயலாளா் வக்கீல் ஆ.வெங்கடேசன் தலைமை தாங்கினார். கடையநல்லூர் சட்டமன்ற தொகுதி பொறுப்பாளரும், மாநில தொண்டரணி துணைச்செயலாளருமான ஆவின் ஆறுமுகம், நகர பொறுப்பாளரும், அயலக அணி அமைப்பாளருமான சமீம்இப்ராகிம் ஆகியோர் முன்னிலை வகித்தனா். நகர பொருளாளா் தில்லை நடராஜன் வரவேற்றார். தென்காசி தெற்கு மாவட்ட தி.மு.க. செயலாளா் பொ.சிவபத்மநாதன் சிறப்பு விருந்தினராக கலந்து கொண்டு, புதிய உறுப்பினா் சேர்க்கை முகாமை தொடங்கி வைத்து ஆலோசனை வழங்கினார். நிகழ்ச்சியில் கட்சியினர் திரளாக கலந்து கொண்டனா்.

* கடையம் தெற்கு ஒன்றிய தி.மு.க. சார்பில் புதிய உறுப்பினர் சேர்க்கை முகாம் கடையம் பஸ் நிலையம் அருகில் நடந்தது. ஒன்றிய செயலாளர் ஜெயக்குமார் தலைமை தாங்கினார். முன்னாள் அமைச்சர் சுரேஷ் ராஜன், தென்காசி தெற்கு மாவட்ட தி.மு.க. செயலாளர் சிவபத்மநாதன் ஆகியோர் புதிய உறுப்பினர் சேர்க்கையை தொடங்கி வைத்து பேசினர். நிகழ்ச்சியில் திரளானவர்கள் கலந்து கொண்டனர்.

* கீழப்பாவூர் கிழக்கு ஒன்றிய தி.மு.க. வாக்குச்சாவடி முகவர்கள் மற்றும் நிர்வாகிகள் ஆலோசனை கூட்டம் பாவூர்சத்திரத்தில் நடைபெற்றது. கீழப்பாவூர் கிழக்கு ஒன்றிய செயலாளர் சிவன்பாண்டியன், ஒன்றிய பொறுப்பாளரும், பொதுக்குழு உறுப்பினருமான ஏ.பி.அருள் ஆகியோர் கலந்து கொண்டு நிர்வாகிகளிடம் உறுப்பினர் சேர்க்கைக்கான படிவத்தை வழங்கினர். இதில் கட்சி நிர்வாகிகள் திரளாக கலந்து கொண்டனர்.