தி.மு.க. உறுப்பினர் சேர்க்கை முகாம்

குத்தாலம்:

குத்தாலம் பேரூர் 15-வது வார்டுக்குட்பட்ட விக்ரமன் குத்தாலத்தில் தி.மு.க. பொது உறுப்பினர் மற்றும் மகளிர் அணி உறுப்பினர் சேர்க்கை முகாம் நடந்தது. நிகழ்ச்சிக்கு குத்தாலம் வடக்கு ஒன்றிய தி.மு.க. செயலாளர் வைத்தியநாதன் தலைமை தாங்கினார். குத்தாலம் பேரூராட்சி மன்ற தலைவர் சங்கீதா மாரியப்பன், குத்தாலம் பேரூர் செயலாளர் சம்சுதீன், 15-வது வார்டு உறுப்பினர் சாந்தி சங்கர் ஆகியோர் முன்னிலை வகித்தனர். பேரூர் துணை செயலாளர் சுந்தர்ராஜன் வரவேற்றார். இதில் மாநில கொள்கை பரப்பு துணை செயலாளரும், முன்னாள் எம்.எல்.ஏ.வுமான க.அன்பழகன் கலந்து கொண்டு பொது உறுப்பினர் மற்றும் மகளிர் அணி உறுப்பினர் சேர்க்கை முகாமை தொடங்கி வைத்து படிவங்களை வழங்கினார். இதில் மாவட்ட பிரதிநிதிகள் உலகநாதன், அய்யப்பன், தொழுதாலங்குடி ஊராட்சி மன்ற தலைவர் ராமலிங்கம், வார்டு செயலாளர் செக்கர் செந்தில், பேரூர் மாணவரணி அமைப்பாளர் தினேஷ், ஒன்றிய மாணவரணி அமைப்பாளர் விக்னேஷ் மற்றும் மகளிர் அணி உள்ளிட்ட பலர் கலந்து கொண்டனர். முடிவில் விக்ரமன் குத்தாலம் கிளை செயலாளர் விடுதலை வீரன் நன்றி கூறினார்.