தி.மு.க. அரசின் சாதனை விளக்க கூட்டம்

கடையம்:

கடையம் அருகே ஆழ்வார்குறிச்சியை அடுத்த கல்யாணிபுரத்தில் தி.மு.க. அரசின் 2 ஆண்டு சாதனை விளக்க கூட்டம் நடைபெற்றது. கூட்டத்துக்கு கடையம் தெற்கு ஒன்றிய செயலாளர் ஜெயக்குமார் தலைமை தாங்கினார். ஆழ்வார்குறிச்சி பேரூர் அவைத்தலைவர் அல்லா பிச்சை, பேரூர் செயலாளர் அழகேசன், துணைச் செயலாளர்கள் ஆர்.எஸ்.பாண்டியன், சகுந்தலா, கணேசன், கண்ணன், ஒலியர் முன்னிலை வகித்தனர். பேரூராட்சி கவுன்சிலர் சக்தி சுப்பிரமணியன் வரவேற்றார். மாவட்ட துணைச் செயலாளர் தமிழ்ச்செல்வன் தொகுப்புரையாற்றினார். மாவட்டச் செயலாளர் சிவபத்மநாதன், மாநில பேச்சாளர்கள் கம்பம் பாண்டித்துரை, கடையநல்லூர் இஸ்மாயில் ஆகியோர் சிறப்புரையாற்றினர். கூட்டத்தில் தலைமை செயற்குழு உறுப்பினர் ஆறுமுகசாமி, மாவட்ட அவைத்தலைவர் சுந்தர மகாலிங்கம் உள்ளிட்ட பலர் கலந்து கொண்டனர்.