இலஞ்சியில் தி.மு.க. செயல்வீரர்கள் கூட்டம்; மாவட்ட பொறுப்பாளர் அறிக்கை

சுரண்டை:

தென்காசி தெற்கு மாவட்ட தி.மு.க. பொறுப்பாளர் ஜெயபாலன் வெளியிட்டுள்ள அறிக்கையில் கூறியிருப்பதாவது:-

தி.மு.க. தலைவரும் தமிழ்நாடு முதல்-அமைச்சருமான மு.க.ஸ்டாலின் உத்தரவின்படி தென்காசி தெற்கு மாவட்ட தி.மு.க. செயல்வீரர்கள் கூட்டம் இன்று (சனிக்கிழமை) காலை 9 மணிக்கு இலஞ்சி ஸ்ரீ சாரதாம்பாள் கிராண்ட் அரங்கில் நடைபெற உள்ளது. கூட்டத்தில் தமிழக வருவாய் மற்றும் பேரிடர் மேலாண்மை பாசனத்துறை அமைச்சர் கே.கே.எஸ்.எஸ்.ஆர். ராமச்சந்திரன் கலந்துகொண்டு சிறப்புரை ஆற்றுகிறார். கூட்டத்தில் விளையாட்டு மேம்பாட்டு துறை அமைச்சர் உதயநிதி ஸ்டாலின் ஆலோசனையின் படி இளைஞரணி உறுப்பினர் சேர்க்கை தொடர்பாகவும், கட்சி வளர்ச்சிப் பணிகள் குறித்தும் ஆலோசனை நடத்தப்பட உள்ளது.

மேலும் தி.மு.க. தலைவர் முதல்வர் மு.க.ஸ்டாலின் தலைமையில் ராமநாதபுரத்தில் வருகிற 14-ந் தேதி நடைபெறும் வாக்குச்சாவடி பொறுப்பாளர்கள் பயிற்சி பாசறை கூட்டம் தொடர்பாகவும் விவாதிக்கப்பட உள்ளது.

எனவே இக்கூட்டத்தில் தென்காசி தெற்கு மாவட்டத்திற்கு உட்பட்ட மாநில, மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள் உள்ளிட்ட அனைத்து நிர்வாகிகள், உறுப்பினர்கள் திரளாக கலந்து கொள்ளும்படி கேட்டுக்கொள்கிறேன்.

இவ்வாறு அதில் கூறப்பட்டுள்ளது.