மாவட்ட அளவிலான பெண்கள் 'லீக்' ஆக்கி போட்டி

திருச்சி அண்ணா ஸ்டேடியத்தில் உள்ள செயற்கை புல்தரை மைதானத்தில் ஆக்கி திருச்சி சங்கம் சார்பில் மாவட்ட அளவிலான பெண்கள் "லீக்" ஆக்கி போட்டி நடந்தது. இந்த போட்டியின் இறுதியில் ஹோலி கிராஸ் கல்லூரி அணியும், கொங்கு நாடு கல்லூரி அணியும் மோதின. இதில் தொடக்கம் முதலே ஆதிக்கம் செலுத்தி ஆடிய ஹோலிகிராஸ் அணி 3-0 என்ற கோல் கணக்கில் வெற்றி பெற்று சாம்பியன் பட்டத்தை வென்றது. தோல்வி அடைந்த கொங்குநாடு கல்லூரி அணி 2-வது இடத்தை பெற்றது. பின்னர் நடந்த பரிசளிப்பு விழாவில் ஓய்வுபெற்ற எஸ்.டி.ஏ.டி.முதுநிலை மண்டல மேலாளர் கலைச்செல்வன், போட்டிக்குழு சேர்மன் கருணாகரன், ஆக்கி திருச்சி மாவட்ட செயலாளர் சுப்பிரமணியன் ஆகியோர் கலந்து கொண்டு வெற்றி பெற்ற அணிகளுக்கு சுழற்கோப்பை மற்றும் சான்றிதழ்களை வழங்கினர்.