பர்கூர் அரசு ஆஸ்பத்திரியில்பிறந்த 6 நாளில் பெண் சிசு திடீர் சாவு

பர்கூர்:

பர்கூர் அருகே உள்ள சிந்தகம்பள்ளியை சேர்ந்தவர் ஜெயப்பிரகாஷ். இவருடைய மனைவி சித்ரா (வயது 25). இவருக்கு கடந்த 17-ந் தேதி பிரசவ வலி ஏற்பட்டதால் பர்கூர் அரசு ஆஸ்பத்திரியில் சேர்க்கப்பட்டு பெண் குழந்தை பிறந்தது. இதையடுத்து தாய், சேய் பர்கூர் அரசு மருத்துவமனையிலேயே இருந்து வந்தனர். பிறந்து 6 நாட்கள் ஆன நிலையில் நேற்று முன்தினம் குழந்தைக்கு மூச்சுத்திணறல் ஏற்பட்டு திடீரென இறந்தது. இதுகுறித்து ஆஸ்பத்திரி டாக்டர் கொடுத்த புகாரின் பேரில் பர்கூர் போலீசார் விசாரணை நடத்தி வருகின்றனர்.