தனியார் பள்ளி ஆசிரியர்கள் தர்ணா போராட்டம்

நெல்லை டி.டி.டி.ஏ.நிர்வாகத்தில் உள்ள தொடக்க மற்றும் நடுநிலைப் பள்ளிகளில் கடந்த 2013-ம் ஆண்டில் நடந்த ஆசிரியர் தகுதி தேர்வில் தேர்ச்சி பெற்று 2014-ம் ஆண்டு முதல் பணி நியமனம் செய்த ஆசிரியர்கள் சுமார் 54 பேருக்கு இது நாள் வரை பணி ஒப்புதல் கிடைக்க பெறாமல் அவர்கள் சம்பளம் இன்றி பணியாற்றும் சூழல் நிலவுகிறது. இதுதொடர்பாக பள்ளிக்கல்வித்துறை அமைச்சர் உள்ளிட்ட பலருக்கு மனு அளித்தும் எந்த நடவடிக்கையும் எடுக்காததால் மனம் உடைந்த சுமார் 40-க்கும் மேற்பட்ட ஆசிரியர்கள் நெல்லை சந்திப்பு கொக்கிரகுளம் தாமிரபரணி ஆற்றுப்பாலத்தில் அமர்ந்து தொடர் போராட்டத்தில் ஈடுபட போவதாக அறிவித்து தர்ணாவில் ஈடுபட்டனர்.

இதுபற்றி தகவல் அறிந்த போலீசார் விரைந்து வந்து அவர்களிடம் பேச்சுவார்த்தை நடத்தி அங்கிருந்து அப்புறப்படுத்தும் பணியில் ஈடுபட்டனர். இதனால் அங்கு பரபரப்பு ஏற்பட்டது.