ஆர்ப்பாட்டம்

கடையம்:

கடையம் யூனியன் பொட்டல்புதூர் மேல பஸ்நிறுத்தம் அருகில் ஆர்ப்பாட்டம் நடந்தது. வார்டு உறுப்பினர் அரவிந்தராஜன் தலைமை தாங்கினார். வார்டு உறுப்பினர் முகமது அபுபக்கர் சித்திக் முன்னிலை வகித்தார். பொட்டல்புதூர் பஞ்சாயத்தில் குடிநீர், தெருவிளக்கு, வாறுகால் உள்ளிட்ட அடிப்படை வசதிகளை நிறைவேற்ற வலியுறுத்தி இந்த ஆர்ப்பாட்டம் நடைபெற்றது.

விவசாய சங்க ஒன்றிய செயலாளர் முத்துராஜன், பொட்டல்புதூர் பஞ்சாயத்து துணைத்தலைவர் முகமது மைதீன் என்ற ஏ ஒன் துரை, மார்க்சிஸ்ட் கம்யூனிஸ்டு ஒன்றிய செயலாளர் ராமகிருஷ்ணன், ஒன்றிய விவசாய சங்க துணைத்தலைவர் கிறிஸ்டோபர் மற்றும் வார்டு உறுப்பினர்கள் உள்பட பலர் கலந்து கொண்டனர்.