பட்டமளிப்பு விழா

குடவாசலில் உள்ள டாக்டர் புரட்சி தலைவர் எம்.ஜி.ஆர். அரசு கலை மற்றும் அறிவியல் கல்லூரியில் பட்டமளிப்பு விழா நேற்று நடந்தது. விழாவிற்கு கல்லூரி முதல்வர் மாரிமுத்து தலைமை தாங்கினார். இதில் சிறப்பு விருந்தினராக கல்வியாளர் பிரின்ஸ் கஜேந்திரபாபு கலந்துகொண்டு மாணவ-மாணவிகளுக்கு பட்டங்களை வழங்கி பேசுகையில், கல்வி ஒன்றே நாட்டின் வளர்ச்சிக்கு துணை நிற்கும். எனவே மாணவ- மாணவிகள் கல்வியில் முன்னேறி நாட்டின் வளர்ச்சிக்கு உதவ வேண்டும் என்றார்.

வணிகவியல் துறை பேராசிரியர் தேஷ் வரவேற்றார். இதில் கல்லூரி பேராசிரியர், மாணவ- மாணவிகள், பெற்றோர்கள் கலந்து கொண்டனர். முடிவில் கல்லூரியின் தமிழ் துறை தலைவர் ரமேஷ் குமார் நன்றி கூறினார்.