இந்திய கம்யூனிஸ்டு கட்சியினர் மறியல்; 90 பேர் கைது

அம்பை:

விலைவாசி உயர்வை கட்டுப்படுத்துதல், தொழிலாளர் நலச் சட்டத்தை வாபஸ் வாங்குதல், புதிய வேலைவாய்ப்பை உருவாக்குதல் உள்ளிட்ட கோரிக்கைகளை வலியுறுத்தியும், மத்திய அரசை கண்டித்தும் இந்திய கம்யூனிஸ்டு கட்சி சார்பில் அம்பையில் சாலை மறியல் போராட்டம் நடைபெற்றது.

அம்பை ஒன்றிய செயலாளர் முருகன் தலைமை தாங்கினார். நகர செயலாளர்கள் அம்பை வடிவேல், விக்கிரமசிங்கபுரம் கண்ணன், முன்னாள் ஒன்றிய செயலாளர் ராமகிருஷ்ணன் ஆகியோர் முன்னிலை வகித்தனர். நிர்வாகி லட்சுமணன், மாதர் சங்க மாவட்ட செயலாளர் சபியாள்பீவி உள்பட பலர் கலந்து கொண்டனர். மறியல் போராட்டத்தில் ஈடுபட்ட 26 பெண்கள் உள்பட 90 பேரை அம்பை போலீசார் கைது செய்தனர்.