சிதம்பரம் அண்ணாமலை பல்கலைக்கழகத்தில் மாணவர் சேர்க்கைக்கான இணையதளம் துணைவேந்தர் தொடங்கி வைத்தார்

அண்ணாமலை நகர்,

சிதம்பரம் அண்ணாமலை பல்கலைக்கழகத்தில் நடப்பு (2023-2024) கல்வி ஆண்டுக்கான மாணவர் சேர்க்கைக்கான இணையதளம் தொடக்க விழா நடைபெற்றது. விழாவுக்கு பல்கலைக்கழக துணைவேந்தர் ஆர்.எம்.கதிரேசன் தலைமை தாங்கி, மாணவர் சேர்க்கைக்கான இணையதளத்தை தொடங்கி வைத்து பேசுகையில், மாணவர்கள் பாடப்பிரிவுகள், விண்ணப்பங்கள் பற்றிய விவரங்களை www.annamalaiuniversity.ac.in என்ற இணையதள முகவரியில் அறிந்து கொள்ளலாம். மேலும் பூர்த்தி செய்யப்பட்ட விண்ணப்பங்கள் வரும் ஜூன் 15-ந் தேதி மாலை 5 மணிக்குள் பல்கலைக்கழகத்திற்கு அனுப்பி வைக்க வேண்டும் என்றார். இந்த விழாவில் பல்கலைக்கழக பதிவாளர் (பொறுப்பு) சிங்காரவேல், தேர்வு கட்டுப்பாட்டு அதிகாரி பிரகாஷ், புல முதல்வர்கள், துறைத்தலைவர்கள், மாணவர் சேர்க்கை பிரிவின் துணை இயக்குனர் பாலபாஸ்கர், மக்கள் தொடர்பு அதிகாரி ரத்தின சம்பத், துணைவேந்தரின் நேர்முகச் செயலாளர் பாக்யராஜ் உள்பட பலர் கலந்து கொண்டனர்.