அ.தி.மு.க.வினர் கொண்டாட்டம்

நெல்லையில் அ.தி.மு.க. 52-வது ஆண்டு தொடக்க விழா நேற்று கொண்டாடப்பட்டது. இதை முன்னிட்டு கொக்கிரகுளத்தில் உள்ள எம்.ஜி.ஆர். சிலைக்கு நெல்லை மாநகர் மாவட்ட அ.தி.மு.க.வினர் மாவட்ட செயலாளர் தச்சை கணேசராஜா தலைமையில் மாலை அணிவித்து மரியாதை செலுத்தினர்.

அதனை தொடர்ந்து சிலை முன்பு அலங்கரித்து வைக்கப்பட்டிருந்த ஜெயலலிதா உருவப்படத்துக்கு மலர் தூவி மரியாதை செலுத்தி பொதுமக்களுக்கு இனிப்பு வழங்கினர்.

நிகழ்ச்சியில் அமைப்புச்செயலாளர் வீ.கருப்பசாமி பாண்டியன், மாவட்ட அவைத்தலைவர் பரணி சங்கரலிங்கம், முன்னாள் எம்.பி. முத்துகருப்பன், முன்னாள் எம்.எல்.ஏ. ஆர்.பி. ஆதித்தன், முன்னாள் துணை மேயர் ஜெகநாதன் என்ற கணேசன், எம்.ஜி.ஆர். மன்ற மாநில இணைச்செயலாளர் கல்லூர் வேலாயுதம், வக்கீல் ஜெயபாலன், முன்னாள் கவுன்சிலர் ஆறுமுகம், கவுன்சிலர் சந்திரசேகர், முன்னாள் மாவட்ட செயலாளர் செந்தில் ஆறுமுகம், முன்னாள் அரசு வக்கீல் அன்பு அங்கப்பன் உள்பட பலர் கலந்துகொண்டனர்.