திமுகவை வாழ வைத்துக் கொண்டு இருப்பது தொண்டர்கள்தான்: முப்பெரும் விழாவில் மு.க ஸ்டாலின் பேச்சு

வேலூர்,

திமுகவின் முப்பெரும் விழாவில் முதல் அமைச்சர் மு.க ஸ்டாலின் பேசினார். அவர் பேசியவை பின்வருமாறு

வேலூருக்கு பல்வேறு திட்டங்களை கொடுத்தவர் கருணாநிதி. நானும், துரைமுருகனும் கருணாநிதியால் வளர்த்து எடுக்கப்பட்டவர்கள். வேலூரின் குடிநீர் பிரச்சினையை தீர்க்க ஓக்கேனக்கல் கூட்டுக்குடிநீர் திட்டத்தை கொண்டு வந்தவர் கருணாநிதி . சிப்பாய் கலகத்தின் நினைவு தூணை வேலூரில் நிறுவியர் கருணாநிதி. தோன்றிய காலம் முதல் அதே இளைமை உணர்வோடு இருப்பது திமுக. திமுகவை வாழ வைத்துக் கொண்டு இருப்பது தொண்டர்கள்தான். திமுகவின் வளர்ச்சிக்கு தொண்டர்கள்தான் காரணம்

நீட் தேர்வு குறித்து தனியாகச் சொல்லத் தேவையில்லை. அனிதா முதல் ஜெகசீதன் வரை தற்கொலை தொடர்கிறது. கோச்சிங் சென்டர்கள் லாபத்திற்காகவே நீட் தேர்வைக் கொண்டு வந்துள்ளனர். வட மாநிலங்களிலும் நீட் தேர்வால் மரணங்கள் நடக்கிறது. அது குறித்து ஆராய்ந்துள்ளனரா? 2015இல் மதுரையில் எஸ்ம்ஸ் அமைக்கப்படும் என்றார்கள். இதுவரை எங்கே வந்தது அந்த எய்ம்ஸ். மத்தியில் இந்தியா கூட்டணி வென்றால் 15 மாதங்களில் எய்ம்ஸ் அமைக்க முடியாதா முதல்வர் சொன்ன ரூ.1000 வந்தாச்சு.. பிரதமர் சொன்ன 15 லட்சம் எங்கே என கேட்கிறார்கள் பொதுமக்கள்.. வாக்குறுதிகளை நிறைவேற்ற முடியாமல் போவதால் இப்போது மற்ற விஷயங்கள் குறித்துப் பேசுகிறார்கள். லோக்சபா தேர்தலில் நிச்சயம் இந்தியா கூட்டணி வெல்லும்" என்றார்.