காலை உணவு திட்டம் தொடக்க விழா

கடையநல்லூர்:

கடையநல்லூர் யூனியன் புதுக்குடி பஞ்சாயத்து அச்சம்பட்டி ஊராட்சி ஒன்றிய தொடக்கப்பள்ளியில் காலை உணவு திட்டத்தை முன்னாள் தி.மு.க. மாவட்ட செயலாளர் செல்லத்துரை தொடங்கி வைத்தார். யூனியன் சேர்மன் சுப்பம்மாள் தலைமை தாங்கினார். பஞ்சாயத்து தலைவர் கஸ்தூரி இன்பராஜ், தாசில்தார் கங்கா, கலெக்டரின் நேர்முக உதவியாளர் முத்துக்குமார், வட்டார வளர்ச்சி அலுவலர்கள் முத்துப்பாண்டி, முருகன், யூனியன் துணைத் தலைவர் ஐவேந்திரன் தினேஷ் ஆகியோர் முன்னிலை வகித்தனர். தி.மு.க. ஒன்றிய செயலாளர் சுரேஷ் வரவேற்றார். கடையநல்லூர் நகர்மன்ற தலைவர் மூப்பன் ஹபீபுர் ரஹ்மான், ஒன்றிய கவுன்சிலர் சிங்கிலிபட்டி மணிகண்டன், தி.மு.க. விவசாய அணி இன்பராஜ் உட்பட பலர் பங்கேற்றனர். ஊராட்சி செயலர் முருகேசன் நன்றி கூறினார்.

* கீழப்பாவூர் யூனியன் பெத்தநாடார்பட்டி பஞ்சாயத்து பூபாலசமுத்திரம் ஊராட்சி ஒன்றிய தொடக்கப்பள்ளியில் யூனியன் தலைவர் காவேரி சீனித்துரை காலை உணவு திட்டத்தை தொடங்கி வைத்தார். நிகழ்ச்சியில் பஞ்சாயத்து தலைவர் க.ஜெயராணி கலைச்செல்வன், துணைத்தலைவர் அ.ஜெயராணி அந்தோணிராஜ், மாவட்ட கவுன்சிலர் சுப்பிரமணியன், ஒன்றிய கவுன்சிலர் ராதாகுமாரி, தலைமை ஆசிரியை விமலாபீட்டர் மற்றும் பலர் கலந்து கொண்டனர்.

* சாம்பவர்வடகரை நகரப்பஞ்சாயத்து பகுதியில் உள்ள பள்ளிகளில் நகர பஞ்சாயத்து தலைவர் சீதாலட்சுமி முத்து மாணவ-மாணவிகளுக்கு காலை உணவு வழங்கி தொடங்கி வைத்தார். செயல் அலுவலர் ராஜேஸ்வரி, துணைத்தலைவர் நாலாயிரம் என்ற பாப்பா உள்பட பலர் கலந்துகொண்டனர்.