திருப்பத்தூர் பஸ் நிலையத்தில் புத்தக கண்காட்சி

திருப்பத்தூர் மாவட்ட தமிழ்நாடு அறிவியல் இயக்கம், சார்பில் உலக புத்தக தினத்தை முன்னிட்டு திருப்பத்தூர் பஸ்நிலையத்தில் புத்தக கண்காட்சி நடந்தது. மாவட்ட தலைவர் சி.குணசேகரன் தலைமை தாங்கினார். மாவட்ட நிர்வாகிகள் ஜெயசுதா, சத்தியமூர்த்தி, சபாரத்தினம் சாமு உள்பட பலர் முன்னிலை வகித்தனர், மாவட்ட செயலாளர் பி.அச்சுதன் வரவேற்றார்.

சிறப்பு அழைப்பாளராக கலெக்டர் பாஸ்கர பாண்டியன் கலந்து கொண்டு புத்தக கண்காட்சியை திறந்து வைத்து பேசினார். மாநில பொதுச்செயலாளர் எஸ்.சுப்பிரமணி வாழ்த்துரை வழங்கினார். இதில் திட்ட ஒருங்கிணைப்பாளர் பிரபாகரன், பள்ளி துணை ஆய்வாளர் தனராஜ், அறிவியல் இயக்க ஒன்றிய செயலாளர் செண்பகவள்ளி, வானவில் மாவட்ட ஒருங்கிணைப்பாளர் முருகன் உள்பட பலர் கலந்து கொண்டனர். முடிவில் மாவட்ட துணைத்தலைவர் பாண்டியன் நன்றி கூறினார்.