இரு தரப்பினர் மோதல்; 8 பேர் மீது வழக்கு

களக்காடு:

களக்காடு அருகே கீழ உப்பூரணி நடு தெருவைச் சேர்ந்தவர் பொன்பாண்டி (வயது 26). விவசாயியான இவருக்கும், அப்பகுதியைச் சேர்ந்த பால்ராஜிக்கும் (40) இடையே முன்விரோதம் இருந்தது. சம்பவத்தன்று அவர்களுக்கு இடையே மீண்டும் தகராறு ஏற்பட்டது. அப்போது ஆத்திரம் அடைந்த பால்ராஜ் உள்ளிட்டவர்கள் பொன்பாண்டியை தாக்கினர். இதனை தடுக்க முயன்ற வெள்ளப்பாண்டி, பூபதிராஜ் ஆகியோரும் தாக்கப்பட்டனர். பூபதிராஜிக்கு அரிவாள் வெட்டு விழுந்தது.

இதேபோன்று பொன்பாண்டி, வெள்ளப்பாண்டி உள்ளிட்ட 5 பேர் சேர்ந்து பால்ராஜ் உள்ளிட்டவர்களை தாக்கினர். இதில் இருதரப்பைச் சேர்ந்த 5 பேர் காயமடைந்தனர். இதுகுறித்து இரு தரப்பினரும் களக்காடு போலீஸ் நிலையத்தில் புகார் அளித்தனர். இதுதொடர்பாக இருதரப்பைச் சேர்ந்த 8 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.