இருதரப்பினர் மோதல்; 5 பேர் கைது

பேட்டை:

நெல்லை டவுன் காவல் பிறைத் தெருவை சேர்ந்தவர் மாரியப்பன் மகன் முருகன் (வயது 19). இவர் தனது நண்பரான பேட்டை ரஹ்மான் பேட்டை 1-வது தெருவை சேர்ந்த காஜா மைதீன் (19) என்பவரை அவரது வீட்டிற்கு நேற்று முன்தினம் இரவு பார்க்க சென்றார்.

அப்போது, அங்கு வந்த அதே பகுதியைச் சேர்ந்த தமீம் ராஜா, சித்திக் ஆகியோருடன் தகராறு ஏற்பட்டுள்ளது. தகராறு முற்றவே காஜா மைதீன், தமீம் ராஜா, சித்திக் ஆகிய 3 பேரும் கம்பியால் முருகனை தாக்கியதாக கூறப்படுகிறது. இதில் அவர் காயம் அடைந்த அவர் அங்கிருந்து வீடு திரும்பி தனது நண்பர்களான பேட்டை அன்னதான விநாயகர் கோவில் தெருவை சேர்ந்த மூக்கன்தாஸ் (19), அதே பகுதியை சேர்ந்த சங்கரபாண்டி (23) ஆகியோருடன் சென்று காஜா மைதீனிடம் தட்டி கேட்டுள்ளார். இதனை கண்ட அருகில் இருந்தவர்கள் திரண்டு வந்ததையடுத்து அவர்கள் அங்கிருந்து கலைந்து சென்றனர். இந்த சம்பவத்தில் காயம் அடைந்த முருகன் பாளையங்கோட்டை அரசு மருத்துவமனையில் சிகிச்சை பெற்று வருகிறார்.

இதுகுறித்து முருகன் கொடுத்த புகாரின் பேரில் காஜாமைதீன், தமீம் ராஜா, சித்திக் ஆகிய 3 பேரையும் போலீசார் கைது செய்தனர்.

இதைப்போல் காஜா மைதீன் அளித்த புகாரின் பேரில் முருகன், மூக்கன்தாஸ், சங்கரபாண்டி ஆகியோர் மீது வழக்குப்பதிவு செய்த போலீசார் மூக்கன்தாஸ், சங்கரபாண்டியை கைது செய்தனர்.