பக்ரீத் பண்டிகை சிறப்பு தொழுகை

பக்ரீத் பண்டிகையை முன்னிட்டு தென்காசி மஸ்ஜிதூர் ரஹ்மான் ஜும்மா பள்ளிவாசல் ஜமாத் சார்பில் தென்காசி முஸ்தபியா நடுநிலைப்பள்ளியில் வைத்து நேற்று காலை சிறப்பு தொழுகை நடைபெற்றது. தொழுகை முடிந்த பிறகு ஒருவருக்கொருவர் கட்டித் தழுவிக் கொண்டு பெருநாள் வாழ்த்துக்களை பகிர்ந்து கொண்டனர். பின்னர் குர்பானி கொடுக்கப்பட்டு ஏழைகளுக்கு இறைச்சி வழங்கப்பட்டது. நிகழ்ச்சிக்கு ஜமாத் தலைவர் மசூது அலி தலைமை தாங்கினார். செயலாளர் அமானுல்லா, பொருளாளர் ரெசவு முகமது, துணைத்தலைவர் மைதீன் சேட்கான், துணைச் செயலாளர் நயினார் முகமது, முன்னாள் கவுன்சிலர் சலீம் உட்பட பலர் கலந்து கொண்டனர்.