ஆட்டோ டிரைவர் தூக்குப்போட்டு தற்கொலை

நெல்லை வடக்கு பாலபாக்கியாநகரை சேர்ந்தவர் கருப்பசாமி மகன் மகாராஜன் (வயது 51). ஆட்டோ டிரைவர். இவருக்கு செண்பகவள்ளி என்ற மனைவியும், ஒரு மகனும், 2 மகளும் உள்ளனர். 2 மகள்களுக்கும் திருமணம் ஆகிவிட்டது. மகாராஜன் கடந்த சில நாட்களாக புதிய ஆட்டோ வாங்கித்தர கேட்டு வீட்டில் தகராறு செய்து வந்ததாக கூறப்படுகிறது. இந்த நிலையில் நேற்று முன்தினம் மீண்டும் தகராறு ஏற்பட்டது.

இதனால் மனமுடைந்து காணப்பட்ட மகாராஜன் நேற்று காலையில் 2 முறை தற்கொலை செய்ய முயற்சித்தாராம். இதனை குடும்பத்தினர் தடுத்துள்ளனர். ஆனாலும் அவர் மனைவி சமையல் அறைக்கு சென்றபோது, மற்றொரு அறையில் மகாராஜன் தூக்குப்போட்டு தற்கொலை செய்து கொண்டாராம்.

இந்த சம்பவம் குறித்து தச்சநல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.