பா.ஜனதா பிரமுகர் வீடு-கார் மீது தாக்குதல்; ஒருவரை பிடித்து விசாரணை

பா.ஜனதா பட்டியல் அணி மாநில தலைவரான பெரம்பலூர் மாவட்டம், திருமாந்துறை ரோவா நகரை சேர்ந்த தடா பெரியசாமியின் வீடு, கார் மீது மர்ம கும்பல் கடந்த 14-ந்தேதி நள்ளிரவு தாக்குதல் நடத்தி விட்டு தப்பி சென்றது. இந்த தாக்குதலில் அவரது பேரன் காயமடைந்தான். இந்த சம்பவம் தொடர்பாக மங்களமேடு போலீசார் வழக்குப்பதிவு செய்து மர்ம கும்பலை வலைவீசி தேடி வந்தனர். இந்த நிலையில் மேற்கண்ட சம்பவம் தொடர்பாக சந்தேகத்தின் பேரில் ஒருவரை பிடித்து போலீசார் விசாரணை நடத்தி வருகின்றனர்.