திருச்செந்தூர் கோவிந்தம்மாள் ஆதித்தனார் மகளிர் கல்லூரியில் பள்ளி மாணவிகளுக்கு விலங்கியல் பாட செய்முறை மேம்பாடு பயிற்சி

திருச்செந்தூர்:

திருச்செந்தூர் கோவிந்தமாள் ஆதித்தனார் மகளிர் கல்லூரி விலங்கியல் துறை சார்பில் பிளஸ்-2 படிக்கும் மாணவிகளுக்கு செய்முறை மேம்பாடு பயிற்சி அளிக்கப்பட்டது. இப்பயிற்சி வகுப்பில் காயல்பட்டினம், ஆறுமுகநேரி மகளிர் மேல்நிலைப்பள்ளி மாணவிகள் 60 பேர் கலந்து கொண்டனர். இதில் பிளஸ்-2 வகுப்பு விலங்கியல் செய்முறை பாடத்திட்டத்தில் உள்ள ஆய்வுகள் கற்றுகொடுக்கப்பட்டது. இந்நிகழ்ச்சியின் நிறைவு விழாவுக்கு கல்லூரி முதல்வர் பொ.ஜெயந்தி தலைமை தாங்கினார். விலங்கியல்துறை தலைவர் பா.குமுதா வரவேற்று பேசினார். பேராசிரியை சு.ராதா ஒருங்கிணைப்பாளராக செயல்பட்டார். பேராசிரியை ர.சுஜாதா நன்றி கூறினார். நிகழ்ச்சி ஏற்பாடுகளை பேராசிரியர்கள் மற்றும் மாணவிகள் செய்திருந்தனர்.