அந்தியூர் சந்தையில் ரூ.4½ லட்சத்துக்கு வெற்றிலை விற்பனை

அந்தியூர்

அந்தியூர் வாரச்சந்தையில் வெற்றிலை விற்பனை நடைபெற்றது. இந்த சந்தைக்கு அந்தியூர், அத்தாணி, வேம்பத்தி, வெள்ளாளபாளையம், காட்டுப்பாளையம், சந்தியபாளையம் உள்பட பல்வேறு பகுதிகளில் இருந்து ஏராளமான விவசாயிகள் வெற்றிலைகளை விற்பனைக்காக கொண்டு வந்திருந்தனர். 100 வெற்றிலைகளை கொண்டது ஒரு வெற்றிலை கட்டு ஆகும். இதில் ராசி வெற்றிலை கட்டு ஒன்று குறைந்தபட்ச விலையாக ரூ.110-க்கும், அதிகபட்ச விலையாக ரூ.160-க்கும், பீடா வெற்றிலை குறைந்தபட்ச விலையாக ரூ.60-க்கும், அதிகபட்ச விலையாக ரூ.70-க்கும் விற்பனை ஆனது. செங்காம்பு வெற்றிலை கட்டு ஒன்று ரூ.20-க்கு விற்பனை செய்யப்பட்டது. வெற்றிலை மொத்தம் ரூ.4 லட்சத்து 50 ஆயிரத்துக்கு விற்பனை ஆனது. ஈரோடு, பெருந்துறை, திருப்பூர், மேட்டூர், சத்தியமங்கலம், கோவை உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வெற்றிலைகளை வாங்கி சென்றனர்.