தொழிலாளி மீது தாக்குதல்

தட்டார்மடம்:

சாத்தான்குளம் அருகே உள்ள காலன்குடியிருப்பு கிழக்குத் தெருவை சேர்ந்த கிருஷ்ணன் மகன் லிங்கபாண்டி (வயது 42). இவருக்கும், தோப்புவளம் கீழத்தெருவை சேர்ந்த ஸ்ரீராம் மகன் அபி மகேஸ்வரன் (19) என்பவருக்கும் கடந்த ஒரு ஆண்டுக்கு முன்பு ஏற்பட்ட பிரச்சினை காரணமாக முன்விரோதம் உள்ளது. இந்நிலையில் கடந்த 31-ஆம் தேதி இரவு லிங்கப்பாண்டி வீட்டிற்கு வந்த அபி மகேஸ்வரன் அவதூறாக பேசியுள்ளார். இதில் ஏற்பட்ட தகராறில் ஆத்திரமடைந்த லிங்கப்பாண்டி வீட்டிலிருந்து தேங்காய் உரிக்கும் கம்பி எடுத்து வந்துள்ளார். அதனை பிடுங்கிய அபி மகேஸ்வரன், லிங்க பாண்டியின் வயிற்றில் தாக்கி கொலை மிரட்டல் விடுத்துவிட்டு ஓடிவிட்டாராம். இதில் காயம் அடைந்த லிங்க பாண்டி, சாத்தான்குளம் அரசு மருத்துவமனையில் முதல் சிகிச்சை பெற்று நெல்லை அரசு மருத்துவமனை அனுமதிக்கப்பட்டு சிகிச்சை பெற்று வருகிறார்.

இது குறித்த புகாரின் பேரில் சாத்தான்குளம் போலீசார் வழக்குப்பதிவு செய்து அபி மகேஸ்வரனை கைது செய்தனர்.