ஆறுமுகநேரி அரசு பள்ளி மாணவிகள்மாநில போட்டிக்கு தேர்வு

ஆறுமுகநேரி:

ஆறுமுகநேரி அரசு மேல்நிலைப்பள்ளி மாணவிகள், கடந்த ஜூன் மாதம் முதல் நடைபெற்ற வட்டார அளவிலான விளையாட்டு போட்டிகளில் 14 வயதிற்குட்பட்ட கால்பந்தாட்ட போட்டியில் முதலிடமும், 19 வயதிற்குட்பட்ட போட்டியில் 2-ம் இடத்தையும் பெற்றனர். மேலும், 11-ம் வகுப்பு மாணவி ஆரோக்கிய ரித்திஷா நீளம் தாண்டுதலில் முதலிடத்தையும், மும்முறை தாண்டுதலில் 2-ம் இடத்தையும் பிடித்தனர்.போல்வால்ட் போட்டியில் 11-ம் வகுப்பு மாணவி புவனேஷ்வரி 2-ம் இடத்தையும், 800 மீட்டர் தடைதாண்டும் போட்டியில் மாணவி ஏஞ்சல் முதலிடத்தையும், முத்துவிக்னேஷ்வரி 2-ம் இடத்தையும் பிடித்தனர்.

மாவட்ட சதுரங்க போட்டியில் 11-ம் வகுப்பு மாணவி கன்னிகாஸ்ரீ முதல் இடத்தை பிடித்து மாநில சதுரங்க போட்டிக்கும், மாணவி விஜயகிருஷ்டினா மாநில வில்வித்தை போட்டிக்கும் தகுதி பெற்றனர். விளையாட்டுப் போட்டிகளில் சாதனை படைத்துள்ள மாணவிகளை பள்ளி தலைமை ஆசிரியை சுப்புலெட்சுமி, உடற்கல்வி ஆசிரியர் பட்டுடால்மியா, பெற்றோர் ஆசிரியர் கழக தலைவர் பாலகுமரேசன் மற்றும் நிர்வாகிகள், ஆசிரியர்கள் பாராட்டினர்.