கலைஞர் நூற்றாண்டு நினைவு கூட்ட அரங்கம் திறப்பு

ஜெயங்கொண்டம்:

அரியலூர் மாவட்டம், ஜெயங்கொண்டம் ஊராட்சி ஒன்றிய அலுவலகத்தில், கலைஞர் நூற்றாண்டு நினைவு கூட்ட அரங்கம் மற்றும் புனரமைக்கப்பட்ட புரட்சித்தலைவர் எம்.ஜி.ஆர். கூட்ட அரங்கம் ஆகியவற்றின் திறப்பு நிகழ்ச்சி நடைபெற்றது. நிகழ்ச்சிக்கு ஒன்றியக்குழு தலைவர் கே.பி.என்.ரவிசங்கர் முன்னிலை வகித்தார். கூட்ட அரங்கங்களை க.சொ.க.கண்ணன் எம்.எல்.ஏ. திறந்து வைத்து பேசினார். நிகழ்ச்சியில் வட்டார வளர்ச்சி அலுவலர்கள் செந்தில்குமார் (வட்டார ஊராட்சி), முருகன் (கிராம ஊராட்சி), ஒன்றிய குழு துணை தலைவர் லதா கண்ணன், ஜெயங்கொண்டம் ஒன்றிய செயலாளர்கள் தன.சேகர், மணிமாறன் மற்றும் ஒன்றிய குழு உறுப்பினர்கள், ஊராட்சி மன்ற தலைவர்கள், தி.மு.க. நிர்வாகிகள், அரசு அலுவலர்கள் கலந்து கொண்டனர்.