வீட்டில் ரேஷன் அரிசியை பதுக்கியவர் கைது

வேலூர் சலவன்பேட்டை தேவராஜ் நகரில் ஒரு வீட்டில் ரேஷன் அரிசியை பதுக்கி வைத்து கடத்துவதாக உணவு பொருள் கடத்தல் தடுப்பு பிரிவு போலீசாருக்கு தகவல் கிடைத்தது.

அதன்பேரில் துணை போலீஸ் சூப்பிரண்டு நந்தகுமார் தலைமையிலான போலீசார் தேவராஜ் நகரில் உள்ள அந்த வீட்டில் திடீர் சோதனை நடத்தினர். அப்போது அந்த வீட்டில் உள்ள ஒரு அறையில் மூட்டை, மூட்டையாக 1 டன் ரேஷன் அரிசி பதுக்கி வைக்கப்பட்டிருந்தது தெரியவந்தது. பின்னர் ரேஷன் அரிசியை பதுக்கியதாக நாகராஜ் (வயது 38) என்பவரை போலீசார் கைது செய்தனர். மேலும் ரேஷன் அரிசியை பறிமுதல் செய்து வேலூர் நுகர்பொருள் வாணிப கிடங்கில் ஒப்படைத்தனர்.