பாப்பிரெட்டிப்பட்டி அருகேமதுவில் ஊமத்தங்காய் கலந்தவர் கைது

பாப்பிரெட்டிப்பட்டி:

பாப்பிரெட்டிப்பட்டி அருகே சேலம்- அரூர் மெயின் ரோட்டில் நேற்று அதிகாரப்பட்டி விலக்கு பகுதியில் அரூர் துணை போலீஸ் சூப்பிரண்டு புகழேந்தி கணேஷ் தலைமையில் அ.பள்ளிபட்டி போலீஸ் சப்-இன்ஸ்பெக்டர் மதியழகன் மற்றும் போலீசார் வாகன தணிக்கையில் ஈடுபட்டனர். அப்போது மொபட்டில் வேகமாக வந்தவரை மறித்து விசாரித்தனர். அதில் அவர் மதுபாட்டில்களை கூடுதல் விலைக்கு விற்க வாங்கி சென்றது தெரியவந்தது. மேலும் மதுபாட்டில்களின் மூடி சீல் உடைக்கப்பட்டும் அதில் போதை அதிகமாக ஏற ஊமத்தங்காயை கலந்திருப்பதும் தெரியவந்தது. இதனையடுத்து அ.பள்ளிபட்டி போலீசார் எச்.புதுப்பட்டியை சேர்ந்த ரத்தினம் (வயது 43) கைது செய்து 60 டாஸ்மாக் மதுபாட்டில்கள், மொபட் பறிமுதல் செய்தனர்.