பொதுமக்களுக்கு தொல்லை கொடுத்த 3 வாலிபர்கள் கைது

தேன்கனிக்கோட்டை:

தேன்கனிக்கோட்டை போலீஸ் சப்-இன்ஸ்பெக்டர் ஜெய்கணேஷ் தலைமையில் போலீசார் கொரட்டகிரி பகுதியில் ரோந்து சென்றனர். அப்போது பொது இடத்தில் தகாத வார்த்தையை பேசி பொதுமக்களுக்கு தொல்லை கொடுத்ததாக கொரட்டகிரியை சேர்ந்த ரகு (வயது 22), தண்டரை கிராமத்தை சேர்ந்த விஜய் (22) ஆகிய 2 பேரை போலீசார் கைது செய்தனர். இதில் ரகு மீது கொலை, கொலை முயற்சி வழக்குகளும், விஜய் மீது ஒரு கொலை முயற்சி வழக்கும் நிலுவையில் உள்ளது.

அதேபோல் பேட்டராய சாமி கோவில் அருகே நின்று கொண்டு தகாத வார்த்தையை பேசி தொல்லை கொடுத்ததாக கொலை வழக்கில் தொடர்புடைய தேன்கனிக்கோட்டை அருகே மாரசந்திரத்தை சேர்ந்த பதி என்ற வெங்கடாஜலபதி (35) என்பவரை போலீசார் கைது செய்தனர்.