அஞ்செட்டியில்மளிகை கடைக்காரர் வீட்டில் நகை திருடிய 2 பேர் கைது

தேன்கனிக்கோட்டை:

தேன்கனிக்கோட்டை அருகே அஞ்செட்டியில் உள்ள முஸ்லிம் தெருவை சேர்ந்தவர் அப்சல் பாஷா (வயது 29). மளிகைக்கடை நடத்தி வருகிறார். இவர் கடந்த 30-ந் தேதி தேன்கனிக்கோட்டை அருகே பென்னங்கூரில் உள்ள திருமண மண்டபத்தில் நடந்த தனது தங்கை திருமணத்தில் பங்கேற்க சென்றார். இதை நோட்டமிட்ட மர்ம நபர்கள் அப்சல்பாஷா வீட்டு கதவின் பூட்டை உடைத்து உள்ளே புகுந்தனர். பின்னர் அவர்கள் வீட்டில் வைக்கப்பட்டிருந்த 13½ பவுன் நகைகளை திருடி சென்றனர். இதுகுறித்து அப்சல்பாஷா அஞ்செட்டி போலீசில் புகார் கொடுத்தார்.

அதன்பேரில் போலீஸ் இன்ஸ்பெக்டர் (பொறுப்பு) நாகராஜ் வழக்குப்பதிவு செய்து விசாரணை நடத்தினர். அதில் அப்சல் பாஷா வீட்டில் நகை திருடியாக வேலூர் மாவட்டம் பேர்ணாம்பட்டு பகுதியை சேர்ந்த பையாஸ் (32), கிருஷ்ணகிரி காமராஜ் நகரை சேர்ந்த சபீர் (28) ஆகிய 2 பேரை போலீசார் கைது செய்தனர். மேலும் அவர்களிடம் இருந்து நகை பறிமுதல் செய்யப்பட்டது.