போதைப்பொருள் ஒழிப்பு விழிப்புணர்வு பேரணி

வள்ளியூர்:

வள்ளியூர் அருகே தெற்கு கள்ளிக்குளத்தில் உள்ள நெல்லை தட்சணமாற நாடார் சங்க கல்லூரி சார்பில், போதைப்பொருள் ஒழிப்பு விழிப்புணர்வு பேரணி வள்ளியூரில் நடந்தது. கல்லூரி முதல்வர் ராஜன் தலைமை தாங்கினார். கள்ளிகுளம் ஜி.எம். மருத்துவமனை டாக்டர் செபஸ்டின் ஆனந்த் கொடியசைத்து பேரணியை தொடங்கி வைத்தார். வள்ளியூர் பழைய பஸ் நிலையத்தில் இருந்து போதைப்பொருள் ஒழிப்பு விழிப்புணர்வு வாசகங்கள் எழுதிய பதாகைகளை ஏந்தியவாறு மாணவ-மாணவிகள் புறப்பட்டு ஊர்வலமாக புதிய பஸ் நிலையம் சென்றடைந்தனர்.

பேராசிரியர்கள் ஹரி கோவிந்தராஜ், ராஜேந்திரன் ரவிக்குமார், மதியரசி, கிரிஜா, சவரிராயம்மாள், கோகிலவாணி, வக்கீல் முத்துகிருஷ்ணன் மற்றும் மாணவ-மாணவிகள் கலந்து கொண்டனர். ஏற்பாடுகளை நாட்டு நலப்பணித்திட்ட அலுவலர்கள் ஹரிகிருஷ்ணன், ராஜ ராஜேஸ்வரி, இளம் செஞ்சிலுவை சங்க ஒருங்கிணைப்பாளர் பிருந்தா, கல்லூரி ஐ.கியூ.ஓ.சி. ஒருங்கிணைப்பாளர் புஷ்பராஜ் செய்து இருந்தனர்.