போதைப்பொருள் ஒழிப்பு விழிப்புணர்வு ஓவியம்

நெல்லையில் போதைப்பொருள் ஒழிப்பு குறித்து பொதுமக்களிடம் விழிப்புணர்வு ஏற்படுத்தும் வகையில் சிவராம் கலைக்கூடம் சார்பில் விழிப்புணர்வு ஓவியம் வரையும் நிகழ்ச்சி நடைபெற்றது. வண்ணார்பேட்டையில் காந்தியின் 154-வது பிறந்த நாளை நினைவுபடுத்தும் விதமாக 154 அடி வெள்ளை திரைத்துணியை தரையில் விரித்து அதில் ''போதையில்லா உலகம்'' என்ற தலைப்பில் ஓவிய பயிற்சி பள்ளி மாணவ மாணவிகள் 50 பேர் இந்த விழிப்புணர்வு ஓவியத்தை தூரிகைகள் கொண்டு 1 மணி நேரத்தில் வரைந்தனர்.

போதை பழக்கத்திலிருந்து மீள்வது குறித்தும், யோகா மற்றும் புத்தகம் வாசிப்பு பழக்கம் உள்ளிட்டவை குறித்து ஓவியம் வரைந்திருந்தனர். நிகழ்ச்சி முடிவில் மாணவ- மாணவிகளுக்கு பரிசுகளும், சான்றிதழ்களும் வழங்கப்பட்டன.