அண்ணா, எம்.ஜி.ஆர். சிலைகளுக்கு அ.தி.மு.க.வினர் மாலை அணிவிப்பு

தலைவர்களின் சிலைகளுக்கு மரியாதை

அ.தி.மு.க. நெல்லை மாநகர் மாவட்ட செயலாளராக தச்சை கணேசராஜா, புறநகர் மாவட்ட செயலாளராக இசக்கி சுப்பையா எம்.எல்.ஏ., மாநில வக்கீல் அணி செயலாளராக முன்னாள் எம்.எல்.ஏ. இன்பதுரை ஆகியோர் நியமிக்கப்பட்டு உள்ளனர்.

இதையடுத்து அவர்கள் 3 பேரும் நேற்று நெல்லையில் உள்ள தலைவர்களின் சிலைகளுக்கு மாலை அணிவித்து மரியாதை செலுத்தினார்கள். நெல்லை கொக்கிரகுளத்தில் உள்ள எம்.ஜி.ஆர். சிலைக்கு மாநில வக்கீல் அணி செயலாளர் இன்பதுரை, மாவட்ட செயலாளர்கள் இசக்கி சுப்பையா, தச்சை கணேசராஜா ஆகியோர் மாலை அணிவித்து மரியாதை செலுத்தினார்கள். பின்னர் எம்.ஜி.ஆர். சிலை முன்பு அலங்கரித்து வைக்கப்பட்டிருந்த முன்னாள் முதல்-அமைச்சர் ஜெயலலிதா உருவப்படத்திற்கு மாலை அணிவித்து மரியாதை செலுத்தினார்கள்.

தொடர்ந்து நெல்லை சந்திப்பு மேம்பாலம் அருகில் உள்ள அண்ணா சிலை, பாளையங்கோட்டை பஸ் நிலையம் அருகில் உள்ள பெரியார் சிலைக்கும் மாலை அணிவித்து மரியாதை செலுத்தினார்கள்.

கலந்து கொண்டவர்கள்

அமைப்பு செயலாளர் சுதாபரமசிவம் அவைத்தலைவர் பரணி சங்கரலிங்கம், பொருளாளர் சவுந்தர்ராஜன், கொள்கை பரப்பு துணை செயலாளர் பாப்புலர் முத்தையா, முன்னாள் சட்டமன்ற உறுப்பினர்கள் ஆர்.பி.ஆதித்தன், ரெட்டியார்பட்டி நாராயணன், முன்னாள் துணை மேயரும், ஜெயலலிதா பேரவை மாநில துணை செயலாளருமான ஜெகநாதன் என்ற கணேசன்,

எம்.ஜி.ஆர். மன்ற இணை செயலாளர் கல்லூர் வேலாயுதம், துணை செயலாளர் நாராயண பெருமாள், மாவட்ட இணை செயலாளர் ராகவன், துணை செயலாளர் உவரிராஜன் கிருபாநிதி, இளைஞர் அணி செயலாளர் பால்துரை, மகளிர் அணி செயலாளர் ஜான்சிராணி, பகுதி செயலாளர் திருத்து சின்னத்துரை, ஒன்றிய செயலாளர்கள் முத்துக்குட்டி பாண்டியன், மருதூர் ராமசுப்பிரமணியன், அந்தோணி அமல்ராஜா, கே.பி.கே.செல்வராஜ், மாரிசெல்வம், வக்கீல் ஜெயபாலன்,

முன்னாள் கவுன்சிலர் ஆறுமுகம், ஞானபுனிதா, கவுன்சிலர் சந்திரசேகர், சேரன்மாதேவி ஒன்றிய செயலாளர் மாரிச்செல்வம், கோட்டைவிளைப்பட்டி பனைவெல்ல கூட்டுறவு சங்க தலைவர் டேவிட் டேனியல், சேரன்மாதேவி இசக்கிமுத்து, பன்னீர்செல்வம், உச்சிமாகாளி, இலக்கிய அணி மாவட்ட செயலாளர் கூனியூர் மாடசாமி, பணகுடி பேரூர் துணை செயலாளர் கோபி.ஜெகன், முன்னாள் மாவட்ட ஆதிதிராவிடர் நலக்குழு உறுப்பினர் வெள்ளத்துரை,

மாவட்ட வக்கீல் பிரிவு துணை செயலாளர் செல்வ ஆன்டனி விக்கிரமசிங்கபுரம் நகர மகளிர் அணி செயலாளர் கிராஸ் இமாக்குலேட், புதுக்குடி பஞ்சாயத்து தலைவர் சுப்பிரமணியன், துணைத்தலைவர் ராஜகோபால், முன்னாள் தலைவர் நாராயணன், அம்பை நகர செயலாளர் அறிவழகன், கல்லிடைக்குறிச்சி நகர செயலாளர் முத்துகிருஷ்ணன், அம்பை ஒன்றிய துணை செயலாளர் பிராங்கிளின், மணிமுத்தாறு பேரூராட்சி முன்னாள் தலைவர் சிவன்பாபு, சேரன்மாதேவி நகர செயலாளர் பழனிகுமார், முன்னாள் கூட்டுறவு தலைவர் முருகன்நயினார், நகர தகவல் தொழில்நுட்ப பிரிவு செயலாளர் மகாராஜன், மாவட்ட பிரதிநிதி ஆறுமுகநயினார், நகர இளைஞர் பாசறை செயலாளர் செல்வகுமார், சேரன்மாதேவி ஒன்றிய கவுன்சிலர் ராகவன், அதிசயம், ருசி, அய்யப்பன், சுப்பிரமணி, மகாலிங்கம் உள்பட பலர் கலந்து கொண்டனர்.

உற்சாக வரவேற்பு

முன்னதாக சென்னையில் இருந்து தூத்துக்குடிக்கு விமானத்தில் வந்து, அங்கிருந்து கார் மூலம் நெல்லை வந்த மாநில வக்கீல் அணி செயலாளர் இன்பதுரை, மாவட்ட செயலாளர்கள் இசக்கி சுப்பையா, தச்சை கணேசராஜா ஆகியோருக்கு பாளையங்கோட்டை சீனிவாசன்நகர் பாலம் அருகில் மேளதாளம் வழங்க அ.தி.மு.க.வினர் உற்சாக வரவேற்பு அளித்தனர்.