ஏ.ஐ.டி.யு.சி. பொதுக்குழு கூட்டம்

நெல்லை மாவட்ட ஏ.ஐ.டி.யு.சி. மாவட்ட குழு மற்றும் கிளைச்சங்க நிர்வாகிகள் பொதுக்குழு கூட்டம் நெல்லையில் உள்ள கட்சி அலுவலகத்தில் நடந்தது. மாநில தலைவர் காசிவிஸ்வநாதன் தலைமை தாங்கி பேசினார். மாவட்ட பொதுச்செயலாளர் சடையப்பன் முன்னிலை வகித்தார். கூட்டத்தில் 100-வது ஆண்டு மே தினத்தை முன்னிட்டு மே 1-ந்தேதி அன்று பாளையங்கோட்டை எல்.ஐ.சி. அலுவலகத்தில் இருந்து லூர்துநாதன் சிலை வரை பேரணியாகச் சென்று பொதுக்கூட்டம் நடத்த முடிவு செய்யப்பட்டது.

மேலும் மத்திய அரசின் தொழிலாளர் விரோத போக்கை கண்டித்து திருச்சியில் மே 6-ந் தேதி நடைபெறும் அனைத்து தொழிற்சங்க மாநாட்டில் கலந்து கொள்வது, 12 மணி நேர வேலை சட்ட மசோதாவை அரசு திரும்ப பெற வேண்டும். 8 மணி நேர வேலையை உறுதி செய்ய வேண்டும் என்பது உள்ளிட்ட கோரிக்கைகளை வலியுறுத்தி ஜூன், ஜூலை மாதங்களில் பிரசாரம் மேற்கொள்வது, இந்த கோரிக்கைகளை வலியுறுத்தி ஆகஸ்டு மாதம் 9-ந்தேதி நாடு தழுவிய ஆர்ப்பாட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.